تحضيرات ما قبل البدء في تنفيذ بند المباني
<aside>
🧱
بعد الانتهاء من الهيكل الخرساني للمبني بنبدء اول مراحل التشطيب و هي مرحلة اعمال المباني و المباني هي اللي بتحديد معانا حدود الفراغات المعمارية و الغرف و حدود الأنشطة المختلفة و من المهم جدا انها تتنفذ بالطريقة السليمة علي متظهرش مشاكل في المراحل اللي جايه من التشطيب او حتي بعد كده في مراحل الأشغال وده اللي هنتكم عنها بالتفصيل بعد كده .
</aside>
<aside>
💡
في بعد الاحيان لما نكون عاوزين نعمل تسريع للأعمال بنبدء في بند المباني للأدوار التي تم الانتهاء من صبها و فك الشدة الخشبية منها في نفس توقيت صب الخرسانات للأدوار الأعلى و عند الانتقال للدور التالي نقوم ببناء الحوائط للدور التالي و هكذا ….
</aside>
البدء في اعمال المباني علي التوازي مع استكمال صب الادوار العلوية
احتياطيات لتأمين السقف قبل التحميل عليه
- طبعا من المهم جدا اننا نراعي ان البلاطة اللي هنشتغل عليها يكون مر علي صبها 28 يوم علشان تكون حققت الاجهاد المطلوب منها و ميحصلش مشاكل من التشوينات فوقها .
- كمان لازم نراعي ان السقف اللي بيشيل الشدة الخشبية للدور اللي فوقه يكون مر علي صبه 28 يوم او اكثر علشان يقدر يشيل الاحمال الناتجة عن صب البلاطة اللي فوقة ، او لو معداش عليه 28 يوم بنسيب الشده الخشبية للدور ده منفكهاش و نبدء نشتغل في الدور اللي فوقه .
مسقط أفقي للرسومات التنفيذية لدور سكني
مراجعة الرسومات الهندسية
- اول حاجة نعملها اننا نقوم بمراجعه اللوحات المعمارية علي الطبيعة عشان نعمل مطابقة بين اللوحات المعمارية و السقف الخرساني و الاعمدة والمناور و كل العناصر المعمارية والانشائية علي الطبيعة .
- مراجعه جداول الفتحات ( الابواب و الشبابيك ) و يتم مراجعه المقاسات في الرسم و النماذج و منسوب العتب و منسوب الجلسات و عدد الفتحات و عدد النماذج و كمان اماكن الفتحات في الحائط لأن من الوارد تكون فتحة مترحله عن مكانها .
- عمل حصر لكميات الطوب و الرمل والاسمنت .
- مراجعه أماكن الحوائط و مقاستها سواء كانت حوائط سمك طوبة او سمك نصف طوبة .
<aside>
💡
بتراجع كل الحاجات دي عشان لو فيه مشكلة ظهرت قدامنا في الرسومات نقدر نحلها قبل البدء في التنفيذ .
</aside>
جداول الابواب و الشبابيك في اللوحات و نماذج الفتحات
<aside>
💡
في جدول الفتحات لو قالي العرض كذا يبقي العرض ده عرض الفتحة شامل عرض الحلق معاه ( عرض الضلفة و عرض الحلق ) غير لو ذكر في جدول الفتاحات عرض الضلفة و عرض الحلق .
بنسيب عند التنفيذ بالإضافة لعرض الفتحة 2.5 سم يمين و 2.5 سم شمال وده خلوص لتركيب حلوق الفتحات .
لو فيه حلق زفر للباب بنسيب كمان بالاضافة للخلوص بنسيب 1 بوصة قيمة تخانة الحلق الزفر .
</aside>
<aside>
💡
مقاسات أبواب الشقق 100 سم بالحلق و أبواب غرف النوم الشائع ليها 90 سم بالحلق و أبواب الحمامات و المطابخ 80 سم بالحلق .
</aside>
الشيرب المعماري
- في اللوحة المعمارية اي منسوب بيبقي المقصود بيه الارتفاع من التشطيب و ممنوع اننا نقيس من سطح البلاطة الخرسانية او من بطنية السقف عشان مش بنكون ضامنين انها مستويه .
- و بنعمل حاجه اسمها الشيرب المعماري اللي بيبقي علي منسوب 1 متر من مستوي التشطيب و بنسب الشيرب ده من الصفر المعماري للمبني اللي بيكون في معظم الاحيان هو منسوب الرصيف او منسوب الشارع + 20 سم .